Digwyddiad Dathlu Menywod mewn Busnes yn dychwelyd i Ben-y-bont ar Ogwr

Dydd Llun 6 Mawrth 2023

Ydych chi’n fenyw fusnes ym Mhen-y-bont ar Ogwr? Hoffech chi gwrdd â menywod o’r un anian o ledled De Cymru?

Mae digwyddiad gyda’r nos, “Dathlu Menywod mewn Busnes” yn cael ei gynnal i helpu menywod busnes o ledled Pen-y-bont ar Ogwr a De Cymru i gwrdd â’i gilydd a rhwydweithio.

Cynhelir y digwyddiad nos Iau 20 Ebrill am 6pm yn yr Hi-Tide, Mackworth Road, Porthcawl, CF36 5BT.

Bydd y digwyddiad yn cael ei gynnal gan Sarah Jenkins o Content Queen, sy’n awdur plant hunan-gyhoeddedig ac yn fentor marchnata.

Pris y tocynnau yw £59 a bydd y digwyddiad yn cynnwys:

  • Pryd dau gwrs
  • Siaradwyr gwadd
  • Bag nwyddau am ddim
  • Eich manylion wedi’u cynnwys yn llyfryn y digwyddiad
  • Cyfleoedd i rwydweithio gyda menywod busnes eraill
  • Disgo

Bydd tocynnau ar gael tan ddydd Llun 3 Ebrill, neu nes iddynt werthu allan.

I gael gwybod mwy a phrynu eich tocyn.

<< Yn ôl at Newyddion