Grantiau o’r Gronfa Ffyniant Gyffredin ar gael i gefnogi busnesau

Gall busnesau ledled Bwrdeistref Sirol Pen-y-bont ar Ogwr bellach wneud cais am gymorth er mwyn arallgyfeirio, datgarboneiddio, a datblygu fel rhan o gynlluniau Grant Dichonoldeb Busnes a Datblygu Busnes Pen-y-bont ar Ogwr.

Caiff y cynlluniau hyn eu hariannu gan Gronfa Ffyniant Gyffredin Llywodraeth y DU, gyda Chyngor Bwrdeistref Sirol Pen-y-bont ar Ogwr yn ennill £19m, yn ogystal â £3.9m ychwanegol er mwyn helpu i wella sgiliau ar gyfer pob busnes.

Nod y Gronfa yw ysgogi balchder mewn lle, a chynyddu cyfleoedd byw ledled y DU, gan fuddsoddi mewn cymunedau a lleoedd, a chefnogi busnesau lleol, pobl a sgiliau.

Grant Datblygu Busnes

Bydd y Grant Datblygu Busnes yn cefnogi Mentrau Bach a Chanolig ac yn cynnig 50% o gostau prosiectau cyfalaf cymwys. Y grant lleiaf ar gael yw £5,000 a’r grant mwyaf ar gael yw £25,000 (ac eithrio TAW).

Grant Dichonoldeb Busnes

Bwriad y Grant Dichonoldeb Busnes yw cefnogi busnesau i archwilio dichonoldeb opsiynau tymor hwy i arallgyfeirio, datgarboneiddio a thyfu, ac mae’n cynnig 100% o gostau prosiectau refeniw cymwys. Y grant lleiaf ar gael yw £5,000 a’r grant mwyaf ar gael yw £25,000 (ac eithrio TAW).

• Mae cyllid ar gael i fusnesau sy’n bodloni’r meini prawf canlynol:
• Mae Masnachwyr Unigol, Partneriaethau, Cwmnïau Cyfyngedig, Cydweithfeydd a Phartneriaethau Atebolrwydd Cyfyngedig, Mentrau Cymdeithasol Cofrestredig neu Elusennau’n gymwys i wneud cais.
• Trosiant gweithredol dros y 3 blynedd diwethaf sy’n uwch na’r trothwy TAW (£85,000)
• Busnes sefydledig sydd wedi bod yn masnachu ers dros 3 blynedd
• Cyfeiriad busnes Bwrdeistref Sirol Pen-y-bont ar Ogwr
• BBaCh (llai na 250 o weithwyr a throsiant blynyddol dan €50 miliwn)

Os nad ydych yn siŵr a ydych yn gymwys ai peidio, neu os hoffech chi ddysgu mwy, cysylltwch â businessfunds@bridgend.gov.uk.