Wrth i gyfyngiadau’r cyfnod clo llacio, mae nifer o fusnesau a sefydliadau ledled Bwrdeistref Sirol Pen-y-bont ar Ogwr wedi derbyn cyllid i wneud addasiadau awyr agored a fydd yn helpu i gadw eu cwsmeriaid yn ddiogel.
Gan ddefnyddio arian gan Gyngor Bwrdeistref Sirol Pen-y-bont ar Ogwr, tasglu’r Cymoedd a menter Buddsoddiad Adfywiad Targedig Llywodraeth Cymru, mae’r Gronfa Adfer Wedi Covid-19 Gwelliannau Awyr Agored wedi targedu ardaloedd allanol lle mae cwsmeriaid ac aelodau o’r cyhoedd yn ymgynnull, yn ymlacio neu’n mwynhau bwyd a diod.
Mae perchnogion busnes ac eiddo masnachol wedi gallu ymgeisio am grantiau o hyd at £10,000 ar gyfer addasiadau yn amrywio o ganopïau a dodrefn awyr agored i banwyr, gwres awyr agored, sgriniau a mwy.
Mae’r grant yn cynnig cyllid o hyd at 80 y cant neu uchafswm gwerth o £10,000 o gyfanswm y costau gwella cymwys, gydag o leiaf 20 y cant o gyfanswm costau’r prosiect yn cael ei dalu gan yr ymgeisydd.
Hyd yn hyn, mae 58 o fusnesau lleol wedi elwa o’r cynllun, ac mae ceisiadau pellach yn cael eu prosesu ar hyn o bryd. Mae busnesau sydd wedi eu cefnogi hyd yn hyn yn cynnwys:
Charles Smith, Aelod Cabinet dros Adfywio Cyngor Bwrdeistref Sirol Pen-y-bont ar Ogwr:
“Rwy’n falch o weld busnesau ledled y fwrdeistref sirol yn gwneud defnydd o’r cynllun hwn, sy’n bartneriaeth rhwng Llywodraeth Cymru a’r awdurdod lleol.
“Mae masnachwyr wedi wynebu nifer o heriau yn ystod y pandemig, felly rydym yn falch o gefnogi’r gwelliannau hyn a fydd yn galluogi pobl i gadw pellter cymdeithasol wrth ddefnyddio ardaloedd allanol y busnesau hyn, p’un a ydynt yn disgwyl, yn bwyta neu’n gorffwys.
“Atgoffir busnesau, wrth wneud cais am grant fel hwn neu dderbyn grant fel hwn, fod yn rhaid i chi hefyd gofio gwirio i weld a oes angen caniatâd cynllunio ar gyfer unrhyw welliannau y gallech fod wedi’u cynllunio.”
Angen Menywod Busnes ar gyfer podlediad ariannol lleol
Eiddo ar gael i’w rentu ar gyfer busnesau ym Mhorthcawl
Dilynwch ni