Llywodraeth Cymru yn lansio ymgynghoriad ar gynllun trwyddedu newydd

Mae Llywodraeth Cymru wedi lansio ymgynghoriad newydd ar sefydlu cynllun trwyddedu strategol ar gyfer pob darparwr llety ymwelwyr yng Nghymru.

Prif nodau’r ymgynghoriad yw sefydlu chwarae teg i bob busnes llety ymwelwyr sy’n gweithredu yn y sector ar hyn o bryd. Daw’r ymgynghoriad ar ôl pryderon ynglŷn â diffyg chwarae teg i fusnesau, ar gyfer rhai sectorau nad ydynt yn cydymffurfio â rhwymedigaethau statudol cyfredol.

Mae manylion y cynllun trwyddedu arfaethedig ar gyfer gosodiadau gwyliau yn cynnwys:

• darparu’r mecanwaith i fynd i’r afael â phryderon ynglŷn â chydymffurfio
• darparu cronfa ddata gynhwysfawr o bwy yn union sy’n gweithredu yn y diwydiant gan nad yw’n bosib pennu faint o fusnesau llety ymwelwyr sydd yng Nghymru, neu mewn unrhyw gymuned benodol, ar hyn o bryd.
• offeryn gwerthfawr i ddeall graddfa a natur y sector.

Anogir busnesau o fewn y sector i rannu eu barn, gyda’r dyddiad cau ar gyfer ymatebion ar  17 Mawrth 2023.

Dysgwch fwy a dweud eich dweud.