Cystadleuaeth Benthyciadau Arloesi Economi’r Dyfodol

Mae Innovate UK yn cynnig hyd at £25 miliwn mewn benthyciadau i fentrau micro, bach a chanolig sy’n adeiladu prosiectau yn canolbwyntio ar economi’r dyfodol.

Mae’r gystadleuaeth yn ei phumed cam a’i cham terfynol o geisiadau ac mae’r benthyciadau yn canolbwyntio’n benodol ar fusnesau sy’n cynnig prosiectau sy’n canolbwyntio ar economi’r dyfodol.

Mae’n rhaid i fusnesau fodloni’r gofynion canlynol:

• Mae’n rhaid i chi fod angen cyllid cyhoeddus
• Gallwch dalu’r llog
• Byddwch yn gallu ad-dalu’r benthyciad mewn pryd

Mae’n rhaid i’ch prosiect arwain at gynnyrch, prosesau neu wasanaethau newydd sydd ymhell ar y blaen i rai eraill sydd ar gael yn barod neu gynnig defnydd arloesol o gynnyrch, prosesau neu wasanaethau sy’n bodoli’n barod.

Y dyddiad cau ar gyfer cyflwyno cais ar gyfer y benthyciadau yw dydd Mercher 14 Medi.

Rhoddir gwybod i ymgeiswyr llwyddiannus ym mis Tachwedd 2022, gyda phrosiectau yn dechrau ym mis Ionawr 2023.

Gwiriwch eich cymhwysedd ac ymgeisiwch.